咁多有關滙豐的報導，睇到睇到厭

呢幾日睇咗咁多有關滙豐的報導，睇到睇到厭，而家只會抓住重點去睇有關報導，有以下幾點想法:

對滙控將來仲有無信心呢個問題，我 相信滙控代表英國傳統銀行，其管理同經營都比其他新興市場有一大截距離，其新興市場搞得咁有聲有色，好大部分原因係佢能夠將其成功模式套係其他新興國家， 有點石成金的絕大優勢，這亦解釋咗點解滙控係美國的業務係一個好例外的例外，美國的金融創新無論係好係壞紿終都係較英國傳統銀行進步，滙控買咗 household返黎根本唔可以套用其一的成功模式(可能仲要有好大衝突，一個好保守，一個好進取)，因此反而要先學吓人地管理個套(即個班 PHD)。由此可見其實滙控真係幾有先見之明，知道自己的金融創新不足就收購household，裝備自己與美國一級金融機構競爭，或應用有關管理於其他 新興市場，雖然我地而家都知道美國的金融創新都係衰嘢多過好嘢，唔學好過學，但當年唔收購household就會冒住被其他美國一級金融機構拋離的風險。

講咁多，最後可以預計兩樣嘢:

1. 滙控收購household的失敗例子會否再發生: 機會好微好微。
原因: 除咗當年的美國，世上應該無銀行比滙控管理及盈利好到要滙控冒咁大風險去收購，相反滙控大部的收購都係計過度過，套用其原有成功模式於新興市場，點石成金，收購及投資成功的機會好大。

2. 滙控前景亮麗: absolutely!!!

滙控搞新興市場真係有一手，若能捱過呢關，新興市場咁大件餅，競爭對手又少咗，想窮都難。

因此，長遠而言，滙控是買得過的，但只是長遠而言。短期而言，我很擔心hsbc面對的是solvency及資金周轉等short term but fatal問題，屆時有幾好前景都無用喇。